上環：違泊嚴重 恐危及行人
「日日經過都實有幾架車泊喺度，搞到兩條行車線得番一條，阻交通之餘，嗰度又多人過馬路，啲車遮住視線，真係好危險！」朱小姐於上環工作，多次途經文華里時均發現有大量車輛違泊，霸佔一整條行車線，擔心終會引致交通意外。
上環文華里常有車輛違泊，霸佔一整條行車線，阻礙交通暢順及遮擋過路行人視線。
警方發言人表示，一直關注上址的交通情況，已適時派員巡邏和執法。過去一年，中區警區曾接獲八宗涉及上址的交通違例投訴，期間發出二百二十張交通違例定額罰款通知書。發言人又承諾會密切監察上址及作出執法行動，以保持道路暢順。
「一年抄咗二百幾張牛肉乾都仲有咁多車違泊，如果增加罰款或者可以提高阻嚇力，希望考慮下！」朱小姐表示違泊問題一直持續，要求警方加強巡查及執法，並考慮修改罰則，以有效改善問題。
