灰爆婦瞓27樓簷篷隊啤
【本報訊】 「唔開心！想死！」中年婦危瞓簷篷，幸女警及時救命！前晚十時許，姓陳婦人（五十二歲），與姓杜丈夫（五十七歲）結伴逛街，途經牛池灣坪石邨街市時，突然表示不開心想死，繼而撇甩丈夫離開。杜恐妻子會做傻事，即時拔足追截，同時報警求助。
事主危臥簷篷（圓圈示）險象環生。
獲救女事主送院檢查。
便裝女警憶述救人經過。
警員及消防員到場搜索，其後根據街坊提供的資料，結果在金石樓二十七樓走廊外牆的石屎簷篷發現陳婦蹤影，她當時瞓在簷篷上，身旁有數個啤酒罐，相信她由走廊爬出簷篷及曾經飲酒澆愁。
女警僅花數分鐘勸服
由於簷篷位置狹窄，稍一轉身隨時墮樓，陳婦處境十分危險。適時，一名駐守東九龍衝鋒隊的姓馮便裝女警見狀，即上前勸喻，結果只花數分鐘便將陳婦勸服，陳婦更主動伸出雙手，由警員協助返回安全位置，由丈夫陪同送院檢查。
據悉，救人女警加入警界六年，她憶述當時情況：「成班同事上咗去，見佢瞓咗喺度」，又表示今次是首趟在如此危險的情況下救人，坦言：「有啲驚！」但認為救人要緊，只是克盡職守完成任務。
