青田遊樂場：座椅圍封 康署無告示
「張長櫈個背脊有條警告膠帶圍住，但我坐上去又冇咩問題，究竟因咩事要搵條帶封住佢？」張小姐早前途經屯門青田遊樂場，發現毗連長者健體園地旁空地有座椅被圍封，不滿康文署未有解釋原因，「乜告示都冇貼，咁張櫈究竟安全定唔安全先？」
青田遊樂場有兩張座椅損毀，維修期間需圍封。
康文署發言人指出，職員在今年三月下旬發現遊樂場內有兩張座椅出現損壞，維修部門檢查後已完成更換工程，現已開放供居民使用。張小姐坦言對康文署的回覆表示滿意，惟同時提醒康文署有責任保持轄下維修工程的透明度，「你唔講發生咩事，我哋啲小市民真係知啲唔知啲，有效率既同時都要保障番市民知情權，最少都貼番張告示！」
