城中鏡：中田英壽賀趙金卿牛一
名媛Kathy趙金卿生日獲好友日本前國腳中田英壽人肉速遞到賀。前日身在日本東京嘅Kathy同一班好友慶生，中田英壽突然出現，仲同Kathy一齊切蛋糕，氹得Kathy開心不已。
中田英壽（左）出現於趙金卿嘅生日會，仲一齊切蛋糕。
原本二十一日生日嘅佢，因病倒留港，並無慶祝，前日佢同班好友到日本東京補祝生日，中田英壽現身送大禮，Kathy話：「之前喺印度，可能坐車整親條腰，壓住神經線好痛，瞓咗三日床，仲要用拐杖添，生日都無慶祝到，依家先同班朋友去日本補祝生日，中田英壽都有嚟，大家係朋友，佢送咗份幾特別嘅禮物畀我，不過係乜就唔好講，佢下個月會嚟香港，到時再食飯。」
