話說尋日嘅天氣忽晴忽雨，適逢青年新政尋日下午發起遊行前陽光普照，身為青年新政社區主任嘅靚女「阿禎」游蕙禎一身裝束都青春逼人，佢身穿青年新政T恤，加上熱褲露長腿派宣傳單張，吸引唔少途人注視，但原來阿禎百密一疏，一度摸住自己塊面大叫「死啦」，自爆事前唔記得搽防曬，不過過咗一陣之後，阿禎笑容滿面話已經搽番防曬，睇嚟同陽光玩遊戲嘅同時，保住白皙皮膚係一眾靚女嘅首要任務。
游蕙禎身穿青年新政嘅T恤，加上熱褲露長腿派宣傳單張。
