中環：行人路上違泊 郵政認衰
「成架車剷上行人路度泊，雖然郵政自負盈虧，但點都算係政府部門，好多員工都仲係公務員，點解唔可以檢點啲？」陳先生行經中環雪廠街，發現屬香港郵政的輕型貨車於行人路違泊，「件事畀人嘅感覺，就係AM車（政府車輛）就可以視法律如無物，鍾意點泊就點泊。」
郵政轄下輕型貨車於行人路上違例停泊，被指損害政府形象。
香港郵政發言人承認車輛停泊在行人路並不恰當，已訓示有關人員，主管人員亦已加強監督，確保職員執勤時須遵守相關道路使用規則。發言人補充，涉事車輛領有運輸署發出的限制區許可證，當日於涉事地址執行職務，停留約二十分鐘。
「郵政真係要反省吓，唔係要做嘢就可以亂嚟！」陳先生直斥郵政車輛違例停泊已非首次發生，要求早日檢討。
