名媛郭志怡前晚出席一個活動時，透露啱啱完成咗同國際時尚品牌喺北京嘅大型活動，所以最近難得比較清閒。問到點樣平衡忙碌嘅生活時，佢話：「做facial、同朋友聚會、做運動等等。嚟緊六月仲會去歐洲一個月，會去英國、意大利，因為屋企喺嗰邊有屋，會同家人一齊玩。其實我平日都會特登飛去新加坡、日本同朋友食飯，之後飛返嚟，因為好多朋友搬咗去外地，好珍惜同朋友相處嘅時間。」
郭志怡嚟緊六月會同家人去歐洲玩一個月。（資料圖片）
