SUN焦點：蔡堅歎醉蟹中招屙血
生醃海鮮，鮮味刺激味蕾，除了「過江龍」醬油蟹，本土亦有醉蟹、醃蟹或醃螄蚶等菜式吸引一眾食客，不少街市亦有售賣。有食家表示生醃海鮮令人食指大動，但不能忽略衞生問題，應往具信譽的持牌食肆品嘗。
蔡堅曾因進食生蟹而染病。（資料圖片）
食評家劉健威指本港向來有進食生蟹文化，但未算普及，以大閘蟹及酒醃成的醉蟹，屬上海、寧波等地菜式，而潮州則有以豉油及蒜頭醃製梭子蟹的傳統食品。劉大讚醃製生蟹：「滋味同熟蟹唔同，係好好味！」但他補充：「我唔會亂咁試。」他指進食生蟹須往具信譽餐廳，醃蟹前會以攝氏零下二十度低溫雪藏醃蟹，而內地亦有名廚會以臭氧及低溫雙重殺菌。
醫學會前會長蔡堅亦指，進食生蟹存在高風險，他更曾因此而染病。他憶述：「曾經同醫學會其他醫生，一齊在食肆進食醉蟹，結果所有人都肚屙，自己更加屙潺屙血，化驗後才知染上霍亂弧菌。」蔡指若生蟹來源受污染，醃製用的醃料，皆不足以殺菌，進食後可能染病。生蟹或存有寄生蟲，肺吸蟲較為危險，蔡指感染肺吸蟲可引致咳血，甚至上腦。
