自盡逃刑嘅絕代雙貪，魂魄正跪在閻王殿上，待打入十八層地獄。好個貪曾，殿上竟對閻王爺橫眉冷眼，貪湯在旁亦有樣學樣，閻王好奇問：「汝等在世張狂貪腐，這也罷了，既然自盡逃刑，當下又待打入十八層，還敢擺姿態扮晒蟹，難道汝等不怕本王削肉油泡勾脷挑筋招呼？」

雙貪訕笑一聲，也不掩藏：「地獄酷刑，我倆豈無準備？唔怕話你知，十八層地獄嘅小鬼已經畀我哋用鮑魚茅台買通晒，我哋落去歎世界咋……吖，係歎地獄先啱，哈哈哈！」閻王爺聞言大驚，原來雙貪已將腐敗之風帶到陰間，頓時不知如何是好。困惱之際，咦，是誰穿越陰陽來到殿上？

閻王爺甫見威武黑面，即轉愁為喜：「原來係文曲星包大人！此兩貪鬼，交大人懲治！」包大人怒拍驚堂木：「雙貪在世未受盡牢刑，竟自盡落地獄走數？妄想！鬼卒聽令，速帶雙貪魂魄返陽，坐多二三十碌先准死！」絕代雙貪，今次真係做鬼都唔靈嘞！

第一手消息請下載on.cc東網iPhone/iPad/Android/Windows Phone Apps