港鐵行政總裁權權經過朗屏站,見到有位婆婆氣來氣喘,狀甚辛苦,權權上前施以援手,豈料被婆婆責怪。

權權:婆婆,使唔使幫手呀?

婆婆:冇陰功呀、冇陰功呀,畀條生路嚟行吓吖!

權權:發生咩事?邊個恰你呀?

婆婆:咪係你囉,路都冇條,我一把年紀,點行上去月台搭車呀?

權權:哦,嗰邊有扶手電梯,呢邊有(車立)喎,我帶你去吖。

婆婆:點解要行咁多冤枉路?你唔封扶手電梯唔得o架咩?想靠害呀!

權權:其實,我哋有苦衷,咁樣可以慳電。

婆婆:慳慳慳,你哋大把錢,慳嗰少少做咩,快啲開番條電梯。

權權:慳慳埋埋,咪又可以畀啲優惠你哋,第二程九折、早晨優惠等等……係咪好體貼呢?

婆婆:冇眼睇就真呀!

第一手消息請下載on.cc東網iPhone/iPad/Android/Windows Phone Apps