人稱「廢官」、翻閹做平機會主席嘅周一鑊又搞埋晒啲無謂嘢。話說平機會贊助機構進行研究,指本港傳媒二十年來所刻畫嘅兩性形象,女性被塑造成持家有道嘅「模範人妻」,令在職女性倍感壓力;又指傳媒使用「(o靚)模」、「港女」等稱呼亦影響女性自我形象。平機會有主管批評負責監管傳媒嘅電影報刊及物品管理辦事處角色被動,更聲稱稍後可能同該處合作推動傳媒自我監管,或喺業界守則加入避免性別定型等條文。有多名立法會議員鬧爆平機會「厚多士」,建議不切實際。周一鑊咁鍾意「厚多士」,不如辭職去整多士好過啦!