年過六十嘅立法會議員黃國健KK，自從舊年換咗副藍色粗框眼鏡後，望落後生咗。不過，佢投訴早前戴呢副眼鏡時，不但戴到頭痛，而且睇嘢鬆郁矇。正當佢以為老花嚴重咗，視光師就向佢「報喜」，話佢嘅近視度數無端端減咗一半，由二百五十度減到得番一百三十度，連視光師都唔知點解。佢聽到好開心，睇嘢清楚咗，但因為仲有百幾度散光，惟有繼續戴眼鏡。佢視力忽然「返老還童」，究竟發生乜事呢？
