SUN揭秘：下白泥村長落場 疏導交通
朋友笑他「傻一」，母親說他「有自唔在，攞苦嚟辛」，外人以為做村長一定「係威係勢」，他卻自言做村長「條命最Cheap」，只能默默埋頭苦幹，希望有一天能感染村民。他是下白泥，人稱君哥的村長鄭偉君，自四年前上任以來，每逢周末假日就穿起印有下白泥字樣的T恤，偶然搭配螢光間條背心，變身「交通督導員」，在村內指揮交通。
村長君哥
黃昏過後水洩不通。
君哥頭戴鴨舌帽，臉戴黑超，每逢周末「嗌咪」呼籲遊人駛走違泊車輛。
君哥費力勸喻司機將車輛駛離避車處。
頭頂鴨舌帽，戴着黑超，胸前掛着單鏡反光機加長鏡，在淺藍色村T恤下，是黝黑而強壯的手臂。隨身攜帶的擴音器，播送着的卻是謙遜的請求：「麻煩車牌XX1234車主盡快駛開車輛，唔該晒！」隨着元朗區下白泥這個日落景點愈來愈受歡迎，原本平靜的小村亦受到隨之而來的交通擠塞問題困擾，四十八歲的君哥每逢周末，就忙於在村內指揮交通。
「單反」隨身 記錄衝突情況
「紅日要塞兩三個鐘先出到去，主要係啲司機貪方便，泊晒啲車喺避車處。我哋自己要落去勸佢哋駛走架車，或者叫佢哋駛入啲，畀對面過咗先。」君哥與數個村民駐守路上不同彎位，以對講機溝通，化身「交通督導員」。可是並不是每次都順利，被粗口橫飛的遊人唾罵是家常便飯。隨身的「單反」，就是為了萬一遇上衝突場面，第一時間拍攝現場情況。
「試過有個人同父母仔女一齊入嚟玩，我叫佢駛開架車，佢攞部電話『隊』住我塊面，仲報警話『有個自稱村長嘅人勒索我呀。』唉，三代同堂都可以咁。」聽罷想不到有人會如此霸道，怎料「一山還有一山高」，「試過有次塞車，有人唔肯讓開，之後掹車匙走咗去，話『塞完Call我啦』咁喎。」對此君哥亦不無氣餒沮喪的時候。
「大家入到嚟，玩得開心最重要。畀人鬧番轉頭，都只可以講道理。」將下白泥變成自然生態旅遊區是他的心願，卻因此不時被村民埋怨，「我哋條村好多老人家，喺度落葉歸根。條村變成旅遊區，可以畀佢哋賣下豆腐花呀咁，有番啲細藝，又有多少收入。」但不是每個村民都受落，訪問當日就見他被幾個老人家指罵，指他高調推廣，引來大批遊人。
「佢哋由細睇到我大，始終係長輩，會覺得點解要聽你講？」有村民亂丟垃圾，隨處棄置建築廢料。君哥屢勸不果，於是在村公所門口安裝閉路電視，「咁所有人喺公眾地方做咩就一清二楚。之後我就會推部大電視出門口，日以繼夜咁播。從此就冇人再亂拋垃圾喇。」這也許是君哥的口頭禪「特別事情，特別處理」。
君哥卡片很特別，背面是一幅3D立體畫，一道雙彩虹劃過藍天白雲，映襯連綿幽幽山脈，似他背負下白泥村的美好願景。
