屋宇署混帳，四年間獲撥款十二億六千多萬元，較以往多逾半，但清拆僭建物成效卻減半，被轟「錢攞多咗，做嘢少咗」，李衞一於向屋宇署署長偉偉問責。

李衞：署長，你錢就攞咗嘞，但好似冇咩點做嘢喎，你仲有乜好解釋先？

偉偉：政策嘅改變，我哋工作量大增，你懂的！

李衞：一啲成效都冇，我點會明呀！

偉偉：過去人手唔夠，依家加咗人，遲啲就會見效啦！

李衞：即係仲要畀錢你亂揈呀？

偉偉：唔好咁講，係畀錢我哋拆僭建物啫！

李衞：等你幾年拆咗啲僭建物，第二度地方咪又再起過，咁又要幾年去搞呀？

偉偉：上樓都要等三年啦，拆嘢一樣要等，等吓啦！

第一手消息請下載on.cc東網iPhone/iPad/Android/Windows Phone Apps