政壇：劉詩昆 孫穎 獲英女王接見
鋼琴大師劉詩昆同另一半孫穎，早前赴英出席倫敦交響樂團舉辦嘅盛大音樂慶典，據講當晚共邀請以音樂家為主約五十位貴賓出席，更獲英女王接見。
英女王接見出席慶典嘅嘉賓，與劉詩昆握手傾談。
劉詩昆與孫穎乘私人飛機出發。
出發當日，撞正劉詩昆七十六歲生日，孫穎特別帶備咗北海道牛奶蛋糕登上私人飛機，同一眾好友如「紅牛之父」嚴彬齊為老師慶生。
講到音樂慶典活動時，孫穎話：「喺白金漢宮獲英女王接見，第一次親身近距離見英女王，感覺佢極之雍容華貴，亦非常慈愛。」不過，白金漢宮規定唔可以帶手提電話同攝影器材內進，佢哋必須耐心咁等大會發相。
孫穎又透露，嚴彬已經斥巨資喺倫敦購入富地標性嘅百年建築物Ten Trinity Square，稍後將舉行盛大嘅落成典禮，並邀請劉詩昆同孫穎一齊喺該處嘅音樂廳中表演，屆時英女王都會出席欣賞。
