有市民喺公園見到康文署署長嫦嫦，市民突然捉實嫦嫦隻手，大嗌「危險」，究竟發生乜事，一齊睇吓。

市民：署長，好危險，有陷阱，快啲走呀！

嫦嫦：陷阱？咁恐怖？邊度？

市民：你隔籬呀！見唔見到呀？

嫦嫦：咩呀？唔見有嘢喎，得個水池喺度咋嘛！

市民：咪就係個水池危險囉！

嫦嫦：吓？水都畀我哋抽晒，唔怕跌落水o架啦！仲驚乜？

市民：但係圍欄都冇個，好易有人跌落乾池受傷，整個咁大嘅陷阱出嚟，於心何忍呀？

嫦嫦：最多跌傷流少少血啫，冇嘢嘅！

市民：流血都冇嘢？你真係激到我哋市民嘔血就真呀！

第一手消息請下載on.cc東網iPhone/iPad/Android/Windows Phone Apps