SUN搞作：SUN官場現形記：搵鬼用
用咗十一億元興建嘅將軍澳香港單車館一踩即爛，康文署署長嫦嫦難辭其咎，李衞即向佢大興問罪之師。
李衞︰木板不平，你哋點驗收？
嫦嫦︰用眼嚟驗收囉。
李衞︰……開館七個月就要使四百萬維修，你話係咪嘥公帑？
嫦嫦︰唔係維修，係優化，係喺好之上做得更好，多多錢都抵畀。
李衞︰單車館使用率咁低，使唔使咁樣燒錢法？（嫦嫦突然面色一沉。）
嫦嫦︰係喎，明明咁少人用，點解啲木板會咁快有問題，唔通有「污糟嘢」？
李衞︰係吖，啲賽道嘅質素咁差，真係「搵鬼用」咩！
嫦嫦︰@##$$%%%^^
