仁愛堂副主席史顏景蓮（Kimmy）最近忙到冇時停，仲話有排都冇得出埠玩添。點解？Kimmy話，仁愛堂董事局內原本應該坐正做主席嘅某位副主席決定唔接棒，所以決定改由佢擔大旗。不過，由於呢個決定太倉卒，令佢好多計劃都要讓路。

史顏景蓮忙於組班接任仁愛堂主席。

最近佢就忙於搵人組班，非常辛苦，唔單止聖誕元旦假期冇得出去玩，連原本今年三月打算同朋友去塞浦路斯旅行嘅計劃都被迫泡湯。

見到靚太咁辛苦，做過仁愛堂主席嘅Kimmy丈夫史立德都好體貼，話會全力支持太太做善事，仲賣口乖話，會默默做Kimmy背後嘅男人喎！

第一手消息請下載on.cc東網iPhone/iPad/Android/Windows Phone Apps