政壇：黃英琦買靚餅慰勞同事
大除夕同元旦話咁快就過去，跨年時分，好多公司同團體都活動多多，除夕當日，喺金鐘太古廣場遇見身兼西九文化區管理局諮詢會成員嘅律師黃英琦（Ada），佢手挽一大個裝滿多盒西餅嘅紙袋，急步向統一中心行去，原來係趕住返律師事務所。
黃英琦手提西餅，行色匆匆步入電梯趕返公司。
Ada一邊講一邊步入電梯，行色匆匆，佢話如果唔快啲返辦公室，啲同事就會走晒喇，然後以一貫招牌笑容講Bye Bye！咁趕，估計係趁同事提早放工前，買啲靚西餅慰勞大家。睇番Ada幫襯嗰間西餅店，係位於太古廣場六星級酒店嘅餅店，出品相當精緻，買靚餅慰勞同事，兼送走二○一四年最後一天，Ada都好有心！
