SUN搞作：打橫嚟講：重回「正常生活」軌迹

好囉！阻住啲人搭車返工搵食睇醫生嘅暴徒路障清Q晒，香港回復平靜，市民重歸正常生活喇！

乜嘢係「正常生活」呢？

哦！大家繼續一如過往的低頭實幹嘛！交貴租啦！買唔起樓房啦！地產霸權橫行無阻啦！官商勾結啦！乜都有權加價咁啫！

每日一百五十件蝗民合法施然入境啦！強國人拖篋掃貨啦！土豪用即食麵潑人啦！佢哋通街方便，或地鐵車內打人，變成常態咁啦！香港左膠會替佢哋啲同胞爭生仔床位、學位，及任何香港人都攞唔到嘅福利咁囉！唔係咁！點算香港正常生活呀？

仲有嘅係……有份摧殘雨傘運動嘅人士排住隊領賞，好熱鬧，本土香港人都不得異議囉！

跟住，民生習慣有少許改變的！以後，出旺角（或擴至全港各區未定）食魚蛋粉要先向警方申請「不反對通知書」，或攞定「行街紙」囉！

還有，班禮義廉成員愈反智愈得寵、愈卑鄙愈有官做囉！佢哋嘅惡勢力將會極速膨脹啫！無乜嘢嘅！

雖然，香港廢柴政府不能政通人和，亦毋須「再啟蒙」的，只要佢哋一籃子繼續欺下瞞上，扶植惡勢力幫拖、加速廿三條立法，堅持派狗糧和諧策略，重本製作「公平公正」嘅民調報告（吖！仲有《民間報告》），咁就唔使怕鳩嗚團日日報佳音同執銀仔啦！

正常生活多美好吖！仲流血流汗流淚嚟爭普選做乜鬼吖？自討苦吃，嫌打得少呀？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府