政壇：做銀通CEO 蔡炳中有排忙

據銀通解釋，其實之前曾憲求嗰個位都已好多嘢做，要同銀行搞好多溝通交流，而依家Angus CEO個位會更忙，除咗同銀行嗰邊傾之外，仲要處理埋公司發展方向同重點搞吓科技研發。

Angus喺金融界打滾三十幾年，星展、花旗、VISA同美國運通呢啲大型金融機構嘅主管級職位全部做過晒，依家除咗管理金融相關嘅嘢，仲需要睇埋科技。雖然之前嘅工作涉足科技嘅唔多，唔同由兩年前佢突然轉入環聯做，就睇得出佢係一個樂於轉換新環境、接受新挑戰嘅人！

蔡炳中有一個目標，就係希望將銀通開發嘅技術轉化為業界同市場嘅指標，協助會員銀行開拓業務嘅同時，最重要係推動本地金融市場發展，睇嚟佢今個聖誕節都未必有假放。