SUN搞作：少膽虫手記：真鳩嗚
「我要真鳩……」少膽虫聽到，衝口一句︰「腦細，唔通你係假嘅？」淫賤黎即賞少膽虫一記耳光，「你講咩，我個袋穿咗，所以想真『鳩嗚』。」少膽虫大吃一驚︰「連個袋都穿埋，然後真『鳩嗚』？」「咁用開個袋穿咗，咪要買個新囉，好出奇呀？」淫賤黎愈講愈激動。
少膽虫一臉委屈，「腦細，我知，我係想問點解『鳩嗚』都要分真假。」淫賤黎長嘆一聲，「呢排MK多狗，落街買隻碗都要硬食攻擊，想學啲同胞振興經濟都唔得，真係『鳩嗚』就無，嗚呼就有！」「嘩，好狗唔攔路，佢哋肯定係……」少膽虫未講完，淫賤黎已搶道︰「好喇，咪再理啲狗，話畀我聽邊度先可以真『鳩嗚』？」少膽虫拍拍心口，「腦細，其實唔難！」「知你仲唔講！」淫賤黎極為焦急。
少膽虫向下一指，「遠在天邊近在眼前，《爛果》每日咁多回紙，腦細如果你肯買晒佢，一定唔會有狗阻住你！」
