有市民一路行一路盲舂舂，用把遮篤吓篤吓，心不在焉，咁啱路政署署長強強經過見到，好心上前扶佢，點知反被市民責罵。

市民：走開啦，使你扶呀？

強強：幫你仲要鬧我？

市民：唔係你辦事不力，我使搞到咁？

強強：又關我事？

市民：地下周圍有陷阱，唔小心翼翼咁行，點得呀？

強強：咩陷阱？康莊大道，冇陷阱喎！

市民：唔係表面，係地底呀！有專家話路下面可能有窿，點知我會唔會行行吓，好似上次嗰單墮窿男咁咁黑仔跌落坑o架？

強強：……你驚行路，咁咪踩單車代步囉，夠安全啦啩？！

市民：治標唔治本……@#$*^!!!

第一手消息請下載on.cc東網iPhone/iPad/Android/Windows Phone Apps