行善助人樂無窮！本港著名時裝設計師張路路（Lu Lu）喺自家品牌店內舉行慈善活動，希望幫助柬埔寨嘅婦女，設計師好友伍均琪（Hidy）既現身捧場，又幫一把手。Lu Lu早前專登去咗柬埔寨，並逗留一星期，講到當地嘅工作，佢都忍唔住熱淚盈眶。

張路路（右）與伍均琪熱心投入幫助柬埔寨婦女的工作。

Lu Lu話，佢除咗睇吓當地婦女嘅生活外，仲教授咗謀生技能，寄望助佢哋搵到出路。不過，有啲事好辛酸：「我記得有日一入去間教堂，眼淚水就係咁標，因為之前睇咗啲關於當地嘅販賣人口短片資料，覺得佢哋喺咁嘅環境仲可以咁樂觀唱歌跳舞，歡度每一日係好amazing。」

不過，入夜後，好多女仔企喺街度等客，但佢哋仲好似好開心，令她更加難過，Lu Lu解釋：「因為佢哋之前係冇收入，覺得依家有錢搵已經好驕傲。」其實，Hidy早前都有去柬埔寨，原來佢同Lu Lu係以接力形式飛往柬埔寨，幫助弱勢社群。

第一手消息請下載on.cc東網iPhone/iPad/Android/Windows Phone Apps