佔領行動沒完沒了，身在香港多年嘅台灣人江素惠（圖）都憂心忡忡。前日佢出席一個酒會時，就以農夫插秧嘅道理寄語學生同政府都要各退一步，事情先有轉機，仲勸示威學生唔好將訴求叫價提得太高：「學生要明白談判對象係北京，唔係香港人，叫價太高，就失去談判空間。」

江素惠

身為香江文化交流基金會主席嘅江素惠話，佔領行動持續多日，示威者嘅聲音佢聽得清清楚楚，佢公司就喺金鐘，望出窗外就係示威區，眼見示威者堵路多日，市民怨聲載道，佢都期望佔中盡快完結。

佢之後又以插秧作比喻，話試過嘅人都知道，插秧時要一直往後退，否則無空間播種。當你識得一路後退一路插秧，回頭一看，滿田就已插晒秧。佢咁語重心長，無非想話畀大家知，退一步海闊天空，希望政府同學生共創雙贏喎！

第一手消息請下載on.cc東網iPhone/iPad/Android/Windows Phone Apps