佔領行動持續咗十幾日,喺呢個敏感時刻,新界鄉議局主席劉皇發(發叔)尋日失驚無神拉隊去石崗軍營,慰問解放軍駐港部隊同探訪軍營,莫非將會有事發生?定啲嚟,唔係呀,據知今次活動係「純玩」,不談政治。

梁福元入石崗軍營參觀,聲言不談政治,亦冇提到佔領行動。(受訪者提供)

尋日有份去軍營參觀的包括應新界二十七鄉鄉事委員會邀請的五、六百名鄉紳,除咗發叔之外,仲有鄉議局副主席張學明、十八鄉鄉委會主席梁福元等人。聽聞節目內容有解放軍步操表演、自由搏擊同攀登等戰術表演,新界人就表演舞龍舞獅作為回禮。梁福元話,今次會面不談政治,亦冇特別討論佔領行動,但發叔喺開場白時,重申咗反佔中立場喎!

第一手消息請下載on.cc東網iPhone/iPad/Android/Windows Phone Apps