城中鏡：王賢誌帶隊食30蚊社企飯
政府大力推動社會企業，而社企飯堂愈開愈多，東華三院都喺大角咀開咗間社企茶餐廳「善膳軒」，副主席Vinci王賢誌日前就同一眾董事局成員組成試食兵團，拉隊去幫襯撐場。Vinci揀咗豆腐魚柳飯，再加一杯凍檸茶，只盛惠三十元。由於餐廳係自負盈虧，Vinci期望有更多市民嚟幫襯，大家食多啲，就有更多弱勢社群獲資助食平飯。
王賢誌期望有更多市民嚟幫襯，就有更多弱勢社群獲資助食平飯。（受訪者提供）
近日佔領行動搞到社會撕裂，Vinci就趁住嚟緊月底生日，將會同班老友去泰國布吉開派對，吸啖清新空氣喎。
