金鐘海富中心通往政府總部嘅行人天橋日前重新開通,公務員可以經天橋行過政總返工,過去兩日仲開始見到政府官員行過,佢哋一出現自然成為追訪嘅對象。財經事務及庫務局常任秘書長謝曼怡尋日行經天橋,面對記者提出嘅問題,佢一概冇回應,淨係拋低一句「唔該畀條路嚟行吓」,然後急急行入政總。佢呢句說話係咪好熟口面呢?咪就係出自民政事務總署年前拍嘅廣告囉,署方呼籲店舖唔好阻街,將啲貨擺番入啲,還路於民。

第一手消息請下載on.cc東網iPhone/iPad/Android/Windows Phone Apps