話說泛民主派近日喺立法會發起不合作運動，尋日又因為不滿立法會主席臨時取消大會，齊齊遊行去禮賓府抗議。就喺泛民出發前，我哋發現白鴿黨議員「單雞」單仲偕換咗新電話套，但個電話套外形似足一個粉紫色手袋，擺明係女士專用產品。
單仲偕嘅手機電話套外形似足一個手袋。
被問到點解會用乸型嘅電話套，單雞就似乎無乜所謂，話貿發局早前向工商事務委員會委員送出自家製作嘅電話套，咁啱佢個電話套又爛咗，所以咪攞個手袋型電話套頂住先囉！
