政壇：渣打禤惠儀更上層樓尚明洋接棒

渣打集團今年年頭開始重組業務，繼洪丕正四月升做大中華區舵手之後，香港個人金融業務主管Mary禤惠儀下個月開始，亦都會升做大中華區個人銀行客戶部總裁，統領內地同港台嘅個人銀行業務，尚明洋（Samir Subberwal）就會接佢棒。

Mary喺渣打做咗二十年有多，事業一直平步青雲，○九年開始做香港區個人銀行業務主管。佢呢六年嘅戰績都幾彪炳，喺佢領導下，提高產品市佔率，令到隊team每年收入都有增長。

其實Mary唔單止喺職場上搏殺，七月嘅時候亦都帶埋其他高層一齊去中學做老師，教學生理財知識、分享職場心得。