SUN搞作：SUN官場現形記：不負責任
有市民喺街上撞到商經局局長樑樑，市民立即捉住樑樑，同佢理論，一齊睇吓發生乜事。
市民：你個「負心漢」，不負責任！
樑樑：咩呀？我好專一，唔好亂講。
市民：你仲要扮唔係？人哋都踢爆咗你啦！
樑樑：你講咩？我絕對唔會出軌。
市民：你睇吓我部手機，有機用但冇得開機，幾慘。
樑樑：咁關我咩事呢？
市民：如果唔係你唔負責任，拒規管人對人直銷電話，咁我使乜日日受電話騷擾，要焗住熄電話呀！仲話唔關你事？
樑樑：呢樣嘢應該由第二個局管理o架，唔係我哋管轄範圍喎！
市民：咁咪即係交個波到人哋個局！
樑樑：@^#!*%&%!!
