政壇：孫明揚約舊同事歎閩菜

話說教育局前局長孫明揚退休後休養咗一段時間後，又再度活躍，經常見到佢同太太鍾小芬拍拖出席派對。早幾日孫公夫婦就邀約以前嘅新聞秘書Timothy李崇明一齊歎福建菜。Timothy講起同孫公共事多年嘅趣聞時話，每次佢敲孫公辦公室道門時，就見到老闆皺晒眉，事關佢搵孫公實有事發生喎！孫公就笑笑口話，冇嘢喎，有事一定拆得掂o架！正所謂「薑愈老愈辣」，孫公喺官場打滾幾十年，確係冇嘢驚嘅，似係Timothy驚啲囉！