呢排「冰桶挑戰」席捲全城，而立法會議員梁美芬尋日都接受挑戰。佢喺旗下石硤尾議員辦事處外淋冰水，話期望冰水可以潑熄現時喺香港嘅火頭，並宣揚愛心，使香港得到和平穩定喎。佢為咗潑熄香港嘅火頭，於是提出要求「佔領中環」行動發起人之一嘅戴耀廷接受淋冰桶挑戰。

梁美芬喺助理嘅協助下接受淋冰水挑戰，而且仲捐錢做善事。（受訪者提供）

梁美芬話希望戴耀廷可以將因為以非法集會為名所收集嘅捐款攞番出嚟行善，又呼籲戴耀廷唔好再鼓勵港人做違法行為及破壞香港，而佢就捐出五百美元畀香港肌健協會。其實大家呢幾日輪住淋冰水都係為咗做善事啫，又何必將慈善活動轉化為宣傳政治訊息嘅活動呢？

第一手消息請下載on.cc東網iPhone/iPad/Android/Windows Phone Apps