政商界人士喺過去兩日上深圳出席政改座談會，其中身兼立法會議員嘅新界鄉議局主席劉皇發更係一連兩日都出席，尋日仲率領鄉議局副主席林偉強、十八鄉鄉事委員會主席梁福元同上水鄉事委員會主席侯志強等共七名鄉議局代表，出席社會各界政改座談會。發叔被問到點解一連兩日出席座談會，佢就話係去湊熱鬧，因為夠高興喎！

侯志強尋日收到阿仔送贈嘅四百多萬元「生日禮物」。

講到高興，點都唔及侯志強高興，皆因佢去完深圳參加座談會後，中午返港後就收到阿仔送贈嘅Bentley（賓利）一五年新款豪華房車，售價超過四百萬元。佢話架新車係阿仔送畀佢嘅生日禮物，阿仔早就揀定車款，佢只係揀顏色喎。不過，阿仔訂車時就特意訂埋佢平時用慣嘅車牌號碼，認真細心。

第一手消息請下載on.cc東網iPhone/iPad/Android/Windows Phone Apps