SUN搞作：SUN官場現形記：獨沽一味
市民生活艱苦，再加上經濟增長放緩，負面情緒瀰漫香江。李衞當然急急搵財爺鬍鬚曾，聽吓佢有咩大計可以紓困。
李衞：一味食老本，依賴個人遊豪客，終於出事喇！
鬍鬚曾：點會？我哋一直有轉型。香港以前係美食天堂，依家就通街金舖藥房；以前就炒樓炒股票，依家就興走水貨！
李衞：係啊，愈轉愈衰吖嘛！你仲敢大言不慚講出嚟？
鬍鬚曾：……其實我已經諗好咗香港點轉型。
李衞：即管講嚟聽吓。
鬍鬚曾：急遊客之所「急」，改賣廁紙，你懂的。
（李衞聽得火冒三丈，出拳就打！）
鬍鬚曾：唔轉啦！唔轉啦！大家都係香港營，放過我啦……
