政壇:李少光遇竊年底抱孫沖喜
保安局前局長李少光年底家有喜事,因為佢又抱孫,光哥話,囡囡預計年底會分娩,至於會係外孫仔定孫女,佢就一如以往話要賣個關子先喎。
李少光年底又再抱孫,為早前寓所失竊沖喜。
早前佢家中爆出失竊事件,損失唔少,認真倒楣。講起呢件事,佢話損失嘅大部分首飾都係太太同女兒嘅嫁妝,其中唔少依家已經升咗值,好似有件太太嘅翡翠首飾,比當年已經漲價二、三十倍,而部分首飾背後嘅價值同意義就更重要。為咗搵番失竊嘅珍貴首飾,佢太太仲不惜去當舖畀錢贖番部分失物,只可惜有啲失物已經流咗去外國。