東網財經大革新 雙龍出海饗讀者
上東網，知天下。東方報業集團銳意發展新媒體，旗艦網站「on.cc東網」成為全球華人最強資訊網，而財經頻道「東網Money 18」更加係精益求精，推陳出新。嗱，今日又有好消息話畀大家知，投資者有福喇！
係咁嘅，為咗提供更佳服務，今日港股收市後「東網Money 18」將推出優化版，以全新面貌同網民見面，而網頁及Android版App亦會同步登場，正式係雙龍出海，相得益彰，到時功能更強大，資訊更豐富，投資者如虎添翼，倍添勝算。
早喺○七年，東方報業集團已領風氣之先，推出「東網Money 18」，結果大獲好評，人氣急升。○九年更獲港交所授權推出免費實時基本報價服務，成為當時提供呢項服務嘅唯一香港綜合傳媒集團，受到全球股民追捧，現時每周網頁及手機瀏覽頁次多達四千萬，成為香港首屈一指嘅財經網；而手機App一樣咁受歡迎，推出至今總下載量已達一百一十萬人次，唔到你唔服。
講到呢度，大家可能會問，「東網Money 18」將會點樣優化呢？簡單啲講，網絡版更豐富，App版更強大。詳細啲講，優化之後嘅「東網Money 18」將會加強同東網整合，除咗結合豐富精彩嘅新聞內容，而且優化版面，提供更多優質圖片、影片同圖表，為股民提供圖文並茂嘅財經資訊。即係話，本來枯燥乏味嘅數字、架構重組同交易流程，將會變成簡單直接、易讀易明嘅圖表，令大家一目了然。
眾所周知，投資市場千變萬化，參考專家意見成為好多投資者習慣，所以，「東網Money 18」喺呢方面做足工夫，除咗加強財經評論，邀請財經專家同學者助陣，仲會精選具國際影響力嘅媒體文章，股民唔止可以享有即秒報價嘅便利，更可以擴闊國際視野，令投資無往而不利。
話明係雙龍出海，梗係唔止咁多喇，「東網Money 18」除咗網頁以全新面貌亮相，Android版手機App亦會同步登場，下載之後即可盡覽全部精彩內容，既方便又快捷。而為咗配合今次優化，「東網Money 18」App報價服務將會喺原有基礎上提供更多資訊，個別股份報價內容相應增加市值、發行股數、全年每股盈利、每股派息、一個月高低價位等重要資訊，包羅萬有，一網睇盡。仲有吖，「東網Money 18」App將喺版面內提供「東網港澳」App財經新聞嘅圖示捷徑，投資者可以喺呢兩大人氣App之間穿梭，盡享優點，勝券在握。
講多無謂，行動最實際，「東網Money 18」優化版今日港股收市後隆重登場，最強財經資訊網加上各位獨到嘅眼光，成功肯定快人一步。太一叮祝大家旗開得勝，投投是道！
