SUN搞作：網絡小說：貪曾求下籤

秦王徒把長城築 禍去禍來因自招

解曰

內有家鬼 自身不安

家宅不吉 求財不遂

「好事多為」嘅貪曾，眼見落鑊日子愈逼愈近，急起上嚟連信仰都拋埋一邊，臨急抱車公求指點迷津，點知求得下籤一支，當堂嚇到又矮咗一截。「師傅呀師傅，仲有冇得救？」貪曾面青青似椰青，解籤師傅思索良久，安慰貪曾道：「唉！咁你話中咗伊波拉有冇得救吖？有係有，不過難啲囉！我勸你洗定八月十五，以後入冊有排用呀！」

貪曾聞言猛喊：「師傅，禍去禍來因自招，我心裏明白！自己做咗咁耐老叔父，梗要還嘅！之不過籤文話求財不遂，我想問吓入冊之後可唔可以化解？你知監倉幾多油水o架啦，喺出面貪唔到，最多咪去入面貪……」

解籤師傅雖然食慣四方飯，亦難忍畜生貪腐至此，飽以老拳，再喝罵世紀貪蠹：「妖孽，速速受靶領死，咁咪乜都化解囉！」