政壇：馬耀添從警入法有因由

Jimmy話喺一九七四年加入前皇家香港警務處，因為一直想追隨做警官嘅父親咁，係「夢寐以求、樂在其中」嘅工作，所以就算期間獲警察大學獎學金讀法律學位，畢業後仍然回歸警隊，兩年後仲升至總督察。直至任職韓義理副官，佢開始宏觀看待前途，思考「點樣先可以更好咁服務社會？」最終一九八五年，韓義理畀佢借調至前律政司署，完成實習培訓，成為政府律師，官至高級檢察官。到咗一九八八年，Jimmy調去前行政立法兩局議員辦事處，九一年辭職成為立法局秘書處一員，九六年起就成為法律顧問至今。