陳智思
尋日啱啱寫過環境局局長「星星」黃錦星領導嘅環保問責團隊，因為唔識得去箍建制派立法會議員嘅票，箍票不成反被箍，多項建議屢次甩轆，經常要人出手相助，其中早前嘅擴建三個堆填區嘅爭議，就要官場「奶媽」政務司司長林鄭月娥幫手擺平，另一極具爭議性嘅垃圾徵費問題，就一直靠「奶爸」可持續發展委員會主席陳智思向公眾推銷。
陳智思尋日接受電台訪問時，再暗批星星唔夠政治能量，強調垃圾徵費唔單止係環境局工作，其他部門亦要配合執行，包括食環署同房屋署等，因此建議應由政府高層負責牽頭。睇嚟呢位「奶爸」湊星星都湊得好辛苦，因此要再搵多啲人幫手嘞！
第一手消息請下載on.cc東網
