薑係老嘅辣，政棍係老嘅奸。淫賤黎向泛民政客秘密捐款醜聞曝光，人證物證俱在，有人仲死撐話冇收過錢，有「民主阿婆」之稱嘅前政務司司長陳方安生甚至反指畀人「批鬥」及「抹黑」添，厚顏嘅人見得多，但就未見過咁無恥嘅。
最好笑嘅係，有泛民政客雖然承認收過錢，但就話呢啲捐款冇附加條件喎，你信唔信吖？天下無免費午餐，淫賤黎唔係嫌錢腥，亦唔係錢多到冇碇放，點會白白送畀人使吖！
嗱，事實勝於雄辯。今年一月淫賤黎自爆爛果報畀人抽廣告，而喺同一個月，民主阿婆就收到淫賤黎三百萬元秘密捐款，足足比舊年嘅五十萬元增加五倍。淫賤黎一向算死草，今次咁大手筆，擺到明有蠱惑喇。果然，民主阿婆收錢後識做，接受英國報章專訪時為淫媒鳴冤叫屈，話多間英資銀行懷疑受北京政治壓力拒向爛果報落廣告，佢甚至去信有關銀行表達關注添。
仲有吖，民主阿婆今個月初聯同被稱為「李漢奸」嘅李柱銘出訪英國，表面上話爭取民主，實際上為淫賤黎乞廣告。佢出席英國國會聽證會嘅時候，唔點名為爛果報被抽廣告向洋人申訴。所以話，明明係污糟邋遢嘅政治交易，仲要扮晒清高，直頭係侮辱港人智慧。
講到呢度，獻金醜聞嘅真相已經好清楚。泛民政客收淫賤黎錢，負責喺立法會內興師問罪，以維護新聞自由為名，行保駕護航之實；而民主阿婆就走「國際路線」，專職向洋人申訴乞廣告，可以話係裏應外合，各司其職。而最後就由淫賤黎論功行賞，多勞多得。你話嘞，咁唔係政治交易又係乜呀。
其實，民主阿婆身為前政府高官而收取淫賤黎巨額捐款，已經有延後利益之嫌。正如有學者指出，民主阿婆成立組織參與政改討論，甚至高調出訪英美推銷方案，收受捐款一事難免令人質疑涉及政治回報或者外國勢力。
講開又講，民主阿婆醜聞多多，佢當年獲銀行批出十成按揭購入豪宅單位，被指收受利益，如果唔係港英餘孽官官相衞，早就走唔甩喇。今次仲離譜，收取黑金後赤膊上陣幫淫賤黎乞廣告，正正係舊債未清，又添新帳。呢，有市民已向廉政公署舉報，除咗要求徹查今次黑金醜聞，仲要求追究當年嘅十成按揭，如果當局又係高高舉起，輕輕放下，市民實唔放過你哋！
一句講晒，多行不義必自斃。政客勾結淫媒，禍亂香港，搞到永無寧日，舊債新帳係時候一齊清算喇，叮！
第一手消息請下載on.cc東網
