淫賤黎除咗淫賤之外，出咗名就係孤寒成性，睇吓壹全霉加薪幅度就知啦，唔知條友係咪撞鬼，今日竟然召開員工大會，仲話人人有禮物收，唔通已經壞腦壞到轉死性？定係知道自己唔擺得幾耐，散吓財當積福？

但見淫賤黎挺住肥腩宣布：「各位，我好開心，因為壹全霉嘅網上平台讀者全港最多，全靠你哋日日夜夜辛勤努力，真係勞苦功高！呢度人人一份禮物，唔使客氣！」但見肥豪膠蘇白面書生之流，火速狗衝到淫賤黎腳邊搶禮物，打開一睇，吓！份份禮物都係電腦滑鼠？搞邊科呀？

淫賤黎見我哋成副諗樣，陰陰笑咁話：「你班友仔唔使詐傻扮懵喇，壹全霉網上平台多人睇，都係我哋自己人狂篤猛click搞出嚟啫，你估真係讀者多咩？嗱，咁多位返到去速速換咗隻mouse，繼續上我哋個淫網喪click，keep住造假No.1！叫你哋跑新聞就唔得啫，弄虛作假？你哋強項啦！」

第一手消息請下載on.cc東網iPhone/iPad/Android/Windows Phone Apps