SUN搞作：打橫嚟講：香港貿發局愧對書展

廿五年，感覺只是眼皮鬆了一下，眼球還沒轉定，吓！咁就四分一個世紀矣！

香港貿發局在本土以北，一場腥風血雨大屠殺後不足兩個月，舉辦了一個文化活動，名為「香港書展」。

貿發局於會展中心豪裝書展前，香港一群書商文化人每年皆在大會堂低座展覽廳搞一兩次展銷的，參展者自架枱椅，擺放一百幾十本書，恍若路邊檔販，便開壇做生意的了！怎似家陣一個個圍板攤位，甚至像片場布景般搭出華麗裝置。

那年代，簡樸，但有書香！

今日的香港書展，容不下一種書本應有的氣質，那叫「優雅」！

當有檔主販賣五十蚊一個布袋，讓買家任塞狀似書本的物體入內，以滿至不能再塞為止，這等怪行，足可媲美強國蝗蟲去食自助餐那碟堆放生蠔如丘的景致，如何有氣質品味的「優雅」呢？

上述實況，被二流文化評論員揶揄為「自由經濟」，甚至斥責買賣雙方鄙俗，但我一直看穿，香港書展由一個銅臭味特強、而不懂文化的貿易發展局壟斷，唔出現咁嘅場面至奇也！

一件國際級的文化盛事，落在一群毫無文化的庸才廢柴手裏，被低等人蹂躪，咪甚麼人做甚麼事囉！

廿五年了！本以為廿五周年大日子，這個貿發局係生係死，都要做番啲嘢應吓景啦！估不到，今劑竟是廿五年來最無聲無息的一次，若不是參展商自己出力催谷，香港人根本就不知這裏有個盛夏書展！

人生有幾多個廿五年呢？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府