「九九九……爛喇！」淫賤黎嬲爆爆咁返公司。少膽虫多口問︰「腦細係咪九西……」問到一半，又係一輪暴打，「少膽虫，你講緊咩？」少膽虫一臉無辜，「又係腦細你話九同爛，咪問你係咪九西個文化區爛尾囉……」

「係我畀人話走狗呀，班友仲差啲整爛我件衫！做咩日日要話我係狗喎？」淫賤黎愈講愈勞氣。哦，原來又係「番狗」惹的禍，少膽虫隨口敷衍道︰「腦細，壹全霉呢排日日煽動要佔終，鵲巢『狗』佔，所以你咪畀人鬧係狗囉！」淫賤黎豁然開朗，「原來係咁。」

少膽虫估唔到淫賤黎咁都信，即刻加多兩錢嘴頭，「腦細，其實狗都無咩唔好，你睇幾多人反對食狗肉就知啦，你再狗啲，分分鐘可以提升《爛果》形象添。」淫賤黎皺起眉頭，半信半疑，「真係o架？」少膽虫忍笑，「梗係啦！」淫賤黎再問︰「但點解啲人好似想食咗我咁嘅？」

少膽虫心入面雖然有答案，但真係唔敢講出口，「好狗唔攔路，你成日搞事阻香港發展道路，仲唔係衰狗咩？」

第一手消息請下載on.cc東網iPhone/iPad/Android/Windows Phone Apps