城中鏡：唐貝詩補慶生只預老友
名媛寇鴻萍長女Lydia唐貝詩日前同二十多位好友吃晚飯補祝佢二十六歲生日，仲將照片放上Instagram與眾分享。Lydia坦言之前舉行的生日派對邀請了二百多人，由於人數眾多，未能一一傾談，佢話：「上次只係可以打個招呼，但都好開心可以同平時比較少見嘅朋友聚吓，今次嘅晚飯就只係約咗好Close嘅朋友，大家食吓嘢，嘻嘻哈哈好好玩、好relax。」
唐貝詩（前排左三）獲好友補祝生日好開心。
蔣怡一家三口幸福滿瀉。
另外，Coco蔣怡同老公Dickson 日前替一歲嘅囡囡「嗡嗡」翁容搞戶外嘅生日派對，非常配合 Coco 一貫熱愛大自然嘅氣息。當日大概有近百賓客，一眾賓客更帶同各式各樣嘅賀禮到場，最特別嘅係嗡嗡仲收到人生第一架 "Bentley" 名車，呢部車係Dickson 外地嘅生意夥伴特地喺烏茲別克空運過嚟嘅。可惜Coco愛女未知係咪天氣太熱或係首次面對太多賓客嘅關係，有啲怕醜，所以顯得狀態不佳。
