港鐵成立嘅高鐵延誤事件獨立董事委員會報告，點名批評行政總裁韋達誠判斷力欠佳，冇向董事局匯報工程延誤同滯後，但報告隻字不提處分，跟手港鐵就公布韋達誠會提早一年執包袱，但竟然仲可以照袋一千五百萬元。依家包括高鐵在內嘅五條新線嘅工程延誤至今仍一鑊粥，亦未知超支幾多同埋使唔使用公帑填氹，而韋達誠拍吓屁股就擸錢走人，佢就享受，市民就難受喇！
