經過三十個小時辯論，加上立法會加班審議，雙倍印花稅（DSD）辣招草案終於趕及喺立會休會前獲三讀通過，關鍵在於財經事務及庫務局局長陳家強努力箍票同作出適當嘅讓步之外，仲成功游說到一班反對嘅議員轉軚投支持票，令DSD最後獲大比數通過，免被剝牙減辣。不過，今次只算僥倖過到骨，依家樓價仍然高企，唔該包括陳家強在內嘅一班財金官員睇實啲，唔好畀炒風復熾。
