相信唔少波友尋日凌晨都有約埋三五知己，捱住眼瞓去睇德國對阿根廷嘅巴西世界盃終極之戰，但大家想唔想得像到一千五百人一齊睇波會係點？加埋酷熱嘅天氣，氣氛梗係熱到爆燈啦！

千五師生喺百萬大道一齊睇世盃終極之戰。

沈祖堯同中大男女子足球隊同場獻技。

講緊嘅係中文大學校長沈祖堯尋日凌晨同千五師生好友喺百萬大道一齊睇呢場終極之戰，令深宵嘅百萬大道瀰漫住嘉年華般嘅熱熾氣氛。點解似嘉年華？除咗人多之外，都唔係淨係齋睇波o架，仲有好多搞作！

首先由中大男女子足球隊表演精彩嘅球技揭開序幕，跟住沈校長同場獻技，仲有平時教慣書嘅多名講師，口才當然有番咁上下，佢哋就化身講波佬，分析兩隊形勢，而沈校長更送出親筆簽名嘅足球作為抽獎禮物添！有波睇，又有嘢玩，仲有禮物收，眾人梗係盡興而歸啦！

第一手消息請下載on.cc東網iPhone/iPad/Android/Windows Phone Apps