霍啟剛不做政府宣傳機器

霍啟剛接受東方報業集團專訪時，直認家族對他有期望，但全職參政議政「未必係我嘅道路」，目前最重要的是做好家庭及事業等方面的工作︰「○二年回流已經決定留喺香港發展，但至今對成個局勢都未夠透徹了解，需要時間去浸。我自己希望係準備好晒先去面對挑戰，而唔係坐咗上個位先至去學。」他表示，自己才三十幾歲「未來係點，再過七、八年先再考慮都唔遲。」

不滿激進泛民手段

啟剛有多名長輩做過人大政協，背景「深紅」，他未有正面回應自己是否好「左」，但認為社會「有左中右派都好正常」，最重要是實事求是，勿走極端，尤其對近年激進泛民以偏激手段攻擊傳統民主派感不滿。他自言不會盲目做政府的宣傳機器，希望外界勿將他標籤化。

談到背景，霍啟剛坦言：「出生喺邊個家庭我冇得揀，好多『門』為我打開，但始終要靠自己行過去，冇可能要人抱你過門。」「嚟到第三代完全對社會冇貢獻，自己都過意唔去！」

與郭晶晶互相信任

啟剛與晶晶的婚姻被視為城中一個美麗的童話式結合，兩人如何維繫感情呢﹖啟剛形容太太「百分百信任我」，花邊新聞從無影響兩人感情︰「太太都係『過來人』，畀人寫過好多假嘢，花邊新聞真係冇影響我哋感情。佢最了解我，知道我咩會做，咩唔會做，互相信任最重要。」他強調，自己身為男人大丈夫，做事必須三思而行，承擔後果，始終紙包不住火。

今次專訪在霍家大宅石頭莊園（Stone Manor）進行，霍啟剛現已搬離該處，與郭晶晶住在同樣位於沙宣道的另一寓所。大宅見證了啟剛兒時的成長點滴，包括在爺爺霍英東督促下，創造一次游「百幾塘」的佳績。大宅的神秘內貌亦因今次專訪首次向外界曝光，佔地數千呎的大宅，連地庫共有三層，旁邊設有副樓，單是打掃就需要六個工人。大宅牆身刻有各類雕刻，包括代表霍家的英文字母「F」字，最能見證啟剛成長過程的，是大宅的私家泳池和大草地。

郭晶晶在訪問近尾聲時，抱着九個月大的中曦現身，由街末愛巢走到霍家大宅，正午三十度高溫，「大汗疊細汗」下仍親自為丈夫和兒子抹汗，一家樂也融融。