SUN搞作：網絡小說：早死早着

「醫生……醫生……點解仲未有醫生睇我哋嘅？」仆到內傷嘅貪曾已經嘔咗百九幾両血，但係遲遲未獲診治，開始發茅。「你……你唔記得咩？咪就係你搞埋啲醫療慘業，啲醫生跳晒槽去私院啦，仲邊有醫生睇我哋？」一鑊雖然仆到頭崩額裂，但係跌親個腦反而講番人話，一語道破問題所在。

「護士……護士，我外傷啫，快啲嚟幫我包紮啦！」一鑊諗住出口術止咗血先，點知一樣嗌極都冇人嚟，貪曾就嘔住血咁話：「你唔記得自己殺咗護士學校咩？依家青黃不接，仲邊有護士呀？」

兩個廢渣嗌足幾個鐘，終於等到有人推走佢哋。「阿姐，你推我哋去邊呀？」貪曾一鑊直覺有古怪，一問當堂嚇死，原來阿姐話：「冇醫生冇護士，你兩個早死早着啦！等我推你哋落殮房先！」